Bizkaiko Abesbatzen Federazioa (BAE) 1979ko abenduaren 15ean sortu zen, 25 abesbatza sortzailerekin, eta 1998ko abenduaren 22an onura publikokotzat jo zuen Eusko Jaurlaritzak.
Euskal Herrian sortu zen lehen abesbatzen federazioa da. 1982tik aurrera, gainerakoak sortu ziren Euskal Autonomia Erkidegoko gainerako lurraldeetan.
Bizkaiko Abesbatzen Federazioa arduratzen da abesbatzen jarduerak koordinatzeaz eta antolatzeaz. Jarduera horiek BAEko gizarte-lokaletatik antolatzen dira (Egaña kalea 18, 1. esk., Bilbo).
BAEk Zuzendaritza Batzordeari aholkuak ematen dizkion talde tekniko bat du (sei kidek osatua).
Abesbatza Federatuak
Gaur egun 130 abesbatza daude federatuta, gutxi gorabehera 6.000 koralistaz osatuak. Gainera, Idahoko Biotzetik Basque Choir abesbatza dugu ohorezko bazkide.
Ahots motaren arabera, koruak honela banatuta daude:
- Ahots Mistoen abesbatzak: 80 abesbatza
- Ahots Lodien koruak: 19 koru
- Ahots Zurien abesbatza helduak: 17 abesbatza
- Ahots Zurien Abesbatzak: 14 abesbatza
Eremuak
Federazioa argi eta garbi bereizitako lau eremutan banatuta dago, eta elkartutako abesbatzen komunikazio-beharrei erantzuten saiatzen da, eta alderantziz.
Hauek dira eremuak:
- Bilbo aldea
- Ezkerralde-Enkarterriak aldea
- Uribekosta-Txoriherri aldea
- Busturi-Durangaldea-Arratia aldea
